Winning entries could not be determined in this language pair.There was 1 entry submitted in this pair during the submission phase. Not enough entries were submitted for this pair to advance to the finals round, and it was therefore not possible to determine a winner.Competition in this pair is now closed. |
Lu silenziu. 'Nta li zoni sviluppati di stu munnu, tutti pari lu cercunu comu na ugghia persa, eppuru non si n'attrova. Lu scrùxu di li machini, e di li tilifunini, li vuci intra l'autubùssi e intra li treni, li tilivisioni addumati intra li posti di travagghiu lassati vacanti, sunu l'urchestra di la distrazzioni. L'omu si sta cunsumannu facennu scrùxu unni e gghiè e circannu silenziu a autri banni: 'nta li voschi, a mari, o 'nta qualchi ritiru spirituali pi truvari paci e cuncintrazzioni. Lu pruvussuri di storia Alain Corbin scrivi di lu so rifuggiu di l'università Sorbona, e l'esploraturi nurviggisi Erling Kagge, di li so rigordi di li terri morti di l'Antarticu. Tuttu dui hana pruvatu a scapparasinni di l'urchestra. Eppuru ca forsi c'è cchiu picca scrùxu ora di quantu ci n'era prima, comu scrissi lu signo' Corbin 'nta lu so libbru "A History of Silence". Prima di li cupirtuni di gomma, n'ta li strati di li paisi, li scrùxi di li roti di ferru e li zocculi di li cavaddi stunavunu l'aricchi. Prima ca n'ammucciavumu di nuatri stissi, suli, d'arreri a li tilifunini, li giurnalara non lassavunu li giurnali davanti li putii, ma ittavunu schigghi a vuci di testa pi vinnìrili, e accusì facevunu chiddi ca vinnevunu cirasi, xuri, e pixi friscu. O tiatru si ittavunu schigghi pi lu bissi. Macari 'nte campagni si cantava mentri si travagghiava. Oggi finìu. Zoccu canciau appiddaveru nun è lu scruxu; di chiddu lu munnu s'ha lamintatu sempri. La distrazzioni addivintau lu pobblema, picchì si 'ntrica a tutti li banni unni trasi lu silenziu, e macari 'nta li voschi, 'nta lu desertu, o 'nta li cammiri vacanti, ni fa annirbari a locu di farini arrizzittari! La nostra testa stissa, quann'è leggia di scrùxu, ni pari furastera. E quannu arriva chista cuntraddizioni, ni scantamu e attintamu ogni scruxu p' allinchirini la testa: ascutamu l'acidduzzi, i fogghi 'nta l'arbuli e lu cafè ca acchiana. Allura lu vulemu, ma no accussì assai, chistu silenziu. | Entry #22325 — Discuss 0 — Variant: Not specified
|