Անկախ թարգմանիչներին ներկայացվող պահանջներ

---

Երեք բաժինները բացատրված են

Թարգմանության որակի համար մշակվել է ստուգազննման գործընթաց՝ համաձայն EN 15038 ստանդարտում շարադրված ուղեցույց սկզբունքների: Թարգմանիչների համար տարբեր միջոցներ են օգտագործվում՝ հաստատելու EN 15038-ում պահանջվող «որակավորումները», ներառյալ հավատարմագրերի ստուգումը, որոնք դիմորդները ստացել են ամբողջ աշխարհի միություններից, ինչպիսիք են Ամերիկյան թարգմանիչների ընկերակցությունը (American Translator Association) (ԱՄՆ), Լեզվաբանների հավաստագրված ինստիտուտը (Chartered Institute of Linguists) (ՄԹ): (Հնարավոր է՝ ուսումնասիրման գործընթացի ժամանակ հաշվի առնվեն գործընկերների կամ պատվիրատուների գնահատականները և այլ տվյալներ, հատկապես այն լեզվական զույգերում ու բնագավառներում, որտեղ ստուգված հավատարմագրերը կարող են դյուրամատչելի չլինել:)

Ծրագրում ընդգրկվելու երկրորդ պահանջը գործարար հուսալիությունն է: Դա գնահատվում է գործընկերների գնահատականների, պատվիրատուների գնահատականների և ProZ.com-ի տվյալների շտեմարանից վերցված համապատասխան տվյալների համադրման միջոցով: Ընկերությունների պարագայում կարող է հաշվի առնվել գործունեության ընթացքում ձեռք բերված համբավը՝ և՛ որպես մատակարար, և՛ որպես գնորդ: Ծրագրի մեջ ընդգրկվելուց հետո մասնակիցները պետք է պահպանեն լավ համբավը, որպեսզի մնան ծրագրում:

Ծրագրում ընդգրկվելու երրորդ պահանջը «լավ քաղաքացիությունն» է: Մասնակիցները պետք է ընդունեն ProZ.com-ի մասնագիտական ուղեցույց սկզբունքները և գործեն այդ սկզբունքներին համապատասխան: Նրանք պետք է ընդունեն ծրագրին մասնակցելու դրույթներն ու պայմանները և նպաստեն ծրագրի պահպանմանը՝ որպես անդամ ունենալով լավ հեղինակություն՝ անդամավճարների, անձնական էջերի տվյալների և ծրագրի կանոնների ու կանոնակարգերի պահպանման առումով:

---

Քաղվածք EN 15038 ստանդարտից՝ թարգմանչական ոլորտում որակի նկատմամբ պահանջի մասին

3.2.2 Թարգմանիչների մասնագիտական որակավորումներ

Թարգմանիչները պետք է ունենան առնվազն հետևյալ որակավորումները:

1. Թարգմանչական որակավորում
2. Լեզվաբանական և տեքստային որակավորում բնօրինակ և նպատակային լեզուներում
3. Հետազոտություն կատարելու ունակություն, տեղեկությունների հայթայթում և մշակում
4. Մշակութային թարգմանություններ կատարելու ունակություն
5. Տեխնիկական թարգմանություններ կատարելու որակավորում

Վերը նշված որակավորումները պետք է ձեռք բերվեն ստորև նշված մեկ կամ ավելի միջոցներով՝

• պաշտոնական բարձրագույն թարգմանչական կրթություն (ճանաչված կոչում).
• համարժեք որակավորում որևէ այլ մասնագիտությունից՝ գումարած առնվազն երկու տարվա փաստացի թարգմանչական փորձ.
• առնվազն հինգ տարվա փաստացի պրոֆեսիոնալ թարգմանչական փորձ: